Ginlubong na si Queen Elizabeth II sa King George VI Memorial Chapel sa sulod sang St George’s Chapel katupad sa iya nga bana nga si Prince Philip, matapos ang isa ka adlaw nga matchless pageantry.
Ang state funeral ang gintambungan naman sang mga world leaders kag ginatos ka libo nga mga tawo sa mga dalanon agud nga magpalab-ot sang ulihi nga pagtahod sa monarch.
Ang mga pumuluyo ang naglinya sa mga ruota kun sa diin naglabay ang hearse sang reyna gikan sa London, kun sa diin sila ang naghaboy sang mga bulak, nagcheer kag nagpinalakpak samtang ini ang nagalabay sa mga syudad padulong sa pinalangga sini nga English countryside.
Magluwas sa mga nagbantay sa dalanon, nagtipon man ang nilibo ka pumuluyo sa capital agud makita ang prosisyon kag lubong, nga fitting tribute para sa longest-serving monarch sang Britanya nga nagdaog sang global respect sa 70 ka tuig sini sa trono.
Sa sulod sang majestic Westminster Abbey kun sa diin ginpatigayon ang funeral, kapin 500 ka mga presidente, prime ministers, foreign royal family members kag dignitaries ang kabahin sa 2,000 congregation.
Kasunod sini ang atensyon ang nasaylo sa St George’s Chapel sa Windsor Castle, kun sa diin kapin 800 ka mga guests ang nagtambong sa committal service antes ang lubong.
Ang programa ang natapos sa pagpalos sang korona, orb kag scepter, nga simbolo sang gahom kag pagpamuno sang monarch sa ibabaw sang lungon kag ini ang ginbutang sa altar.
Ang Lord Chamberlain, ang pinaka-senior official sa royal household, ang nagguba man sang iya nga ‘Wand of Office’, nga simbolismo sang pagtakop sang iya nga pagserbisyo sa soberanya kag ini ang ginbutang sa casket.
Samtang sa gab-i, sa private family service, ang lungon ni Queen Elizabeth kag sang bana sini sa masobra 70 ka tuig nga si late Prince Philip, nga nagtaliwan sang nakaligad nga tuig sa edad nga 99 anyos, ang magkaupod nga igalubong sa kaangay nga chapel kun sa diin ginlubong ang ginikanan sang reyna kag utod nga si Princess Margaret.
Sa funeral, ginpahayag ni Justin Welby, ang Archbishop of Canterbury, sa mga tumalambong nga ang kalisod nga nabatyag sang madamo nga pumuluyo sa bilog nga Britanya kalakip na sa iban nga bahon sang pungsod ang nagapakita sang nangin mapinuslanon nga kabuhi kag ginpakamahal nga pagserbisyo sang monarch.
