Opisyal na nga nagbalik sa screen ang “Queen of All Media” nga si Kris Aquino bilang pinakabag-o nga C.H.I.K.A. ukon Chief Head of Insights and Kontent Analysis para sa Netflix Philippines.
Ginrelease kahapon sang nasambit nga streaming app ang teaser video sang upcoming show ni Kris paagi sa isa ka instagram reel.
Ini ang marka sang pagbalik sa showbiz sang Queen of All Media matapos ang pila ka tuig nga pagpahuway para sa pagpabulong sang iya autoimmune diseases.
Natalana nga ipagwa ang episode 1 sang nasambit nga programa sa Agosto 7, samtang sa Agosto 14 naman ang episode 2 kag Agosto 20 para sa episode 3.
Ginkalipay naman sang mga netizen ang balita sang iya nga comeback kag liwat naman nga mabatian ang iya energetic nga tingog nga malawig na nga ginahulat sang kadam-an ilabi na sa industriya.
