Queen of All Media Kris Aquino, balik trabaho apisar sang anum ka autoimmune disease

Wala nangin upang ang anum ka autoimmune diseases ni Kris Aquino sa pagbalik sini sa pagtrabaho apisar sa padayon sini nga pagpakigabato sa ikaayong lawas.

Ginshare sang abyan ni Kris nga si Dindo Balares ang iya health update kun sa diin nakaligad lang nga adlaw sang nagbalik si Kris sa pagtrabaho.

Apang, ang isa ka adlaw sini nga trabaho ang nagakinahanglan sang tatlo ka adlaw nga pagpahuway.

Suno kay Balares, indi pa sini sa karun mabuyagyag ang detalye sa trabaho ni Kris.

Samtang, nakaligad lang sang ginselebrar sang aktres ang iya kaadlawan sang Valentines Day kaupod ang iya mga bata nga sanday Josh kag Bimby.