Liwat nga ginpayuhom ni Kris Aquino ang mga fans sini matapos magpakita ini liwat sa publiko sa iya una nga appearance sa sulod sang pila ka tuig sa People of the Year 2025 event sang isa ka magazine.
Nagtambong ang Queen of All Media sa event agud nga suportahan ang suod sini nga abyan, ang fashion designer nga si Michael Leyva, nga isa sa mga ginhatagan sang pasidungog sa event.
Sa mga litrato kag video nga ginpakigbahin sa Instagram, makita si Kris nga kaupod si Leyva, kalakip man ang iya nga mga bata nga si Bimby sang Martes, Pebrero 25.
Maanyag kag radiant si Kris, nga nakasuksok sang yellow nga top, isa ka floral nga palda nga may laba nga tubtob sa salog kag fuchsia pink nga blazer, samtang ginbugno man sini ang mga nagtambong kag nagestorya man sa press.
