Ginpahayag sang transport groud leader nga 100 porsyento nga nangin madinalag-on ang ginpatigayon nga rally protesta sang pila ka mga traditional jeepney drivers kahapon sa Rizal-Araneta padulong sa fountain of justice ukon sa old city hall.
Sa interview sang Bombo Radyo Bacolod kay Rudy Catedral, chairman sang Bacolod Alliance For Commuters Operators & Driver’s Incorporated (BACOD), nangin madinalag-on ang patigayon nila nga rally protesta kag ini angb kabahin man sang ginpatigayon nga lapnagon nga rally protesta nga ginpatigayon sang PISTON kag MANIBELA sa Metro Manila.
Ang nasambit nga rally protests ang agud nga magpanawagan sa gobyerno sang “NO TO JEEPNEY PHASE OUT, NO TO CONSOLIDATION, YES TO REHABILITATION”.
Nag-umpisa ang ila pagmartsa halin sa Rizal-Araneta, naglibot sa plaza kag nagpadulong sa fountain of justice kun sa diin nagpatigayon sila sang programa.
Ginpanginbulahan man sila sang ila nga mga kaupdanan sa PISTON kag MANIBELA sa Manila sa ginpatigayon nila nga rally protesta.
Suno kay Catedral, indi dapat nga magkahadlok ang mga wala pa nakaconsolidate bangud nakita nila nga mangin madinalag-on ang ila nga kawsa bangud nagdagdag na sang extension ang gobyerno nga makabiyahe pa tubtob sa Enero 31 ang mga traditional jeepneys.
Nagpanawagan man ini sa mga commuters nga updan ang ila nga kawsa bangud indi lamang sila ang apektado bangud pati ang mga pasahero ang maapektuhan man sang nasambit nga programa.
