Ginapreparahan na sang Bacolod City Government ang posibilidad sang pagkastranded sang pasahero sa ginaplano nga transport strike bwas Nobyembre 29 tubtob 30.
Sa interview sang Bombo Radyo Bacolod kay Vice Mayor El Cid Familiaran, acting Mayor sang Bacolod City, siya sa karun ang nagapungko nga alkalde bangod yara sa abroad si Bacolod City Mayor Alfredo “Albee” Benitez upod sa mga konsehal.
Samtang si Councilor Atty. Renecito Novero naman ang acting Vice Mayor bangod sila lamang nga duha ang nabilin sa ciudad.
Suno kay Familiaran, ginalantaw sini nga indi gid tuman ang apekto sang rally protesta bangod pipila lamang ang nagmanifest nga mag-upod kag madamo paman sang magapadayun sa pagbyahe.
Apisar sini, bilang contingency plan, nagtawag na ini sa City Administrator’s Office agud mag-abiso sa pagpreparar sang mga salakyan sa ciudad.
Ang mga ini ang onstandby kag ideploy inkaso may mga mastranded nga pasahero.
