Randy Santiago, liwat nga nagpaidalom sa cataract surgery

Liwat nga nagpaidalom sa cataract surgery sa iya natuo nga mata si Randy Santiago.

Ini matapos isa ka tuig nagpaidalom sa kaangay nga procedure sa iya nawala nga mata.

Sa social media, ginpakigbahin sang veteran OPM singer kag actor ang iya mga laragway antes kag pagkatapos sang operasyon.

Nagpasalamat naman ini sa iya mga doktor kag sa medical team sang ospital kun sa diin siya gin-operahan para sa madasig kag mahapos nga procedure.

Si Santiago ang kilala sa iya pagsuksok sang signature dark shades halin pa sang 1980.