Arestado ang ginakabig nga high value individual kag rank 10 drug personality sang Talisay City Police Station matapos ang ginpatigayon nga buybust operations sa Purok Malipayon, Brgy. Zone 14, Talisay City, alas 6:15 kagab-i.
Sa impormasyon nga nakuha sang Bombo Radyo, ginkilala ang suspetsado kay Charlie Delovio, 55 anyos, isa ka construction worker kag residente sang nasambit nga lugar.
Nakuha sa paghinakop sini ang P900 nga cash proceeds; 13 ka mga sachet sang suspected shabu lakip na ang buybust item nga may kabug-aton nga tatlo ka gramo kag may market value nga P20,400.
Ang mga narecover nga items nga gindala sa PNP Provincial Crime Laboratory sa Camp Alfredo Montelibano para sa laboratory examination.
Sa karun, nakahunong si Delovio sa Talisay City Police Station kag nakatalana nga pasakaan sang kaso nga pagbayolar sang R.A. 9165 ukon Comprehensive Dangerous Drugs Act of 2002.
