Rank 5 Most Wanted Person sang Ozamis City, arestado sa ciudad sang Bacolod

Arestado ang rank 5 sang Most Wanted Person sang Ozamis City matapos ginserbehan sang warrant of arrest sa kaso nga rape sa Galo-Hilado, Barangay 20, Bacolod City sang nagligad nga Oktubre 1.

Ginkilala ang suspetsado kay Reyhio Mofan, 28-anyos kag residente sang Purok Sta. Clara, Barangay Tabunan, Bago City.

Ang operasyon ang ginpatigayon sang gintingob nga pwersa sang Bacolod City Mobile Force Company kag Bacolod City Police Office (BCPO).

Sa karon, nakahunong si Mofan sa custodial facility sang Bacolod Police Station 4 para sa nagakaigo nga disposisyon.