Ginpatpat sang nagrank 8 sa 2024 psychometrician Licensure Examination ang mga tips sini kun paano siya nakapasr sa board exam.
Sa interview sang Bombo Raydo kay Stephanie Grace Siaga, sang High School sang nag-umpisa ini nga magtutok sa pagtuon tubtob nga nagpartisipar ini sa mga school competition kag natigayon nga makakuha sang scholarship para sa college.
Suno diri, dako nga bulig ang scholarship sini kag bilang working student sa iya pag-eskwela sa kolehiyo, bangod nga ang iloy lamang sini ang nag-atipan sa ila nga mga mag-ululutod matapos nga nagtaliwan ang iya amay.
Suno kag Siaga, antes pa man ang board exam, masami ini nga magbasa sang libro kag naga-review humalin sa hapon tubtob sa gab-i.
Dugang pa sini dapat nga magpahuway kag ibalanse ang oras sa pagtuon kag sa trabaho.
Ilabi sa tanan sini nga panugyan amo nga dapat i-manage ang oras sang insakto kag indi kinahanglan nga magdali.
Wala man sang problema suno kay Siaga kun mangayo sang bulig sa tion nga mataas ang pressure.
Mensahe sini nga bisan ano pa kabudlay ang pag-eskwela, dapat nga magpadayon lang kay sa ulihi may maayo ini nga resulta.
