Wala pa natumod kun ano ang rason sa pagkapatay sang pila ka mga baboy sa sur nga bahin sang probinsya sang Negros Occidental.
Sa interview sang Bombo Radyo Bacolod kay Alliance of Hog Raisers Association of Negros Occidental (AHRANO) President Pastor Ric Lauron, nakabaton ini sang report nga may yara sang mga baboy nga nagkalamatay sa bahin sang Himamaylan City, Kabankalan City kag Ilog.
Suno diri, wala pa sang kumpirmasyon kun ano ang rason kun ngaa nagakapatay ang mga baboy apang sang nakaligad may yara na sang report nga casualty bangod sa tuman ka init sang panahon kun sa diin ginahapo ang baboy kag gina-igo sang heatstroke.
Suno kay Lauron, basta tig-ilinit ukon tig-ululan madamo gid man sang baboy ang ginamasakit kag nagakapatay.
Pahayag sini, sa karun yara sa P130 tutbob P140 per kilo ang presyo sang liveweight apang posible pa nga magnubo ini bangod sa mga reported nga pagkalamatay sang mga baboy kag ini magaresulta sa kapierdehan sang mga hog raisers.
