Ginpatpat ni Negros Occidental Legal Office Head Atty. Alberto Nellas, Jr. ang rason sa ginpadala nga sulat sa Bacolod City government angot sa pagpahalin sa mga ambulant vendors sa North Capitol Road.
Suno kay Atty. Alberto Nellas, Jr., nakabaton sila sang report nga ang ginaplastar nga balaligyaan sang mga ambulant vendors naga-apekto sa trapiko, kag nagasakop sa sidewalk nga magamit pa kun tani sang pedestrian, naga-apekto sa kalimpyo sa area, nagadugang sa maintenance sang probinsya, vandalism, pagkaguba sang restroom, safety kag security para sa Provincial Treasurer’s office nga naga-handle sang funds kag transaction, kag iban pa.
Suno diri, nakahibalo sila sang vendors ordinance sang Bacolod City government kun sa diin ang North Capitol Road ang ginpili nga site.
Apang suno kay Nillas nga luyag lamang nila nga masunod ang rules and regulations sa paggamit sang sidewalk kag public roads.
