Padayon ang imbestigasyon sa pagtumod sa ginhalinan sang kalayo nga nagresulta sa sunog sa Purok Tambi Palad, Brgy 10, Bacolod City.
Sa interview sang Bombo Radyo Bacolod kay Fire Inspector Jemarie Tapiru, deputy fire marshal sang Bacolod City Fire Station, alas- 2:17 sang hapon nag-umpisa ang sunog kag alas- 2:29 gindeklarar nga second alarm na ang sitwasyon apang alas- 2:41 ginpasaka na sa third alarm ang level.
Gindeklarar naman nga fire out alas- 3:28 sang hapon.
Sa inisyal, nagdangat sa P237, 500 ang balor sang halit.
Sa ila nga assesment, 22 ang totally damaged nga balay samtang lima naman ang partially damaged.
Suno kay Tapiru, miyembro sang BFP mismo ang nakakita nga may yara sang madamol nga itom nga aso sa area nga ila gilayon respondehan.
Suno diri, ang Brgy 10 nalakip sa red zone area kag ang kabudlayan sa pagresponder sa area amo nga makitid ang dalan amo nga wala nangin mahapos ang pagpenetrate sa area.
