Ginpa-athag sang Assistant Vice President for Planning and Business Operation sang Negros Power ang rason sa nagluntad nga power interruptions sang tinalikdan nga mga inadlaw.
Sa interview sang Bombo Radyo Bacolod kay Engr Leomel Tambanillo, sang Biyernes naeksperyensyahan ang power interruptions sa ciudad sang Bago sa Brgy Mailum, Binubuhan, Dualo Bago kag Tabunan.
Suno diri, kahapon may yara man sang power interruptions sa Brgy Vista Alegre, Estefania, Bata, Cabug kag Handumanan.
Suno kay Tambanillo, ang rason sa nagluntad nga power interruptions amo ang mabaskog nga hangin kun sa diin madamo sang kahoy ang natumba kag mga sanga nagtandog sa primary wires.
Dugang pa sini, bisan ang kahoy nga nagahilay nga nagatandog sa primary wires ang makatuga man sang pagkadula sang kuryente.
Pahayag sini, sa karun ila pa gina-evaluate kun magbalik-balik ang mabaskog nga hangin kun madayon ang ila ginapatigayon nga rehabilitation kada weekends.
