Gin-eksplekar ni former President Rodrigo Duterte ang rason kun ngaa wala ini nagtambong sang inquiry sang House Quad Committee natuhoy sa extrajudicial killings nga ginaalegar ginkomiter sa idalum sang war on drugs sang iya administrasyon.
Una na nga nagpadala ang legal counsel ni Duterte nga si Atty. Martin Delgra III sang sulat sa House Committee on Dangerous Drugs nga indi magtambong ang iya kliyente sa hearing sang Nobyembre 7 bangud nagapangduha-duha si Duterte sang integridad kag independence sang Quad Comm.
Nagpabutyag sang disappointment si House Quad Committee co-chair Rep. Joseph Stephen Paduano bangud sa absence ni Duterte sa hearing sang Martes.
Nagsabat naman si Duterte sa mga miyembro sang House Quad nga nagpabutyag sa ila pagkadismaya sa iya absence nga ang pagbyahe padulong sa Metro Manila ang magasto para sa iya.
Gindugang pa sini nga wala siya nahadlok sa mga mamalidha ukon sa ila mga threats nga contempt sa korte.
