Nagapadayon pa ang imbestigasyon sang Bago City Fire Station sa nagluntad nga sunog sa Bago City Elementary School kahapon sang hapon, Marso 21.
Sa interview sang Bombo Radyo Bacolod kay Fire Chief Inspector Jovelyn Zamar, isa ka building ang nasunog nga ginabug-usan sang lima ka classrooms nga ginalakipan sang apat ka classroom kag isa ka stockroom.
Suno kay Zamar, dako na ang kalayo sang nagresponde sila bangud himo sa light materials ang structure.
Suno diri magluwas nga himo sa light materials ang classroom mabaskog pa ang hangin.
Ginpakamaayo man sang Fire Marshal nga may yara sang nagtawag gilayon nga mga bystanders gani nakaresponde sila gilayon.
Suno diri, walo ka mga fire trucks ang nagresponde sa nagluntad nga sunog.
Sa karun, ginaimbestigaran pa sang Bago City Fire Station ang gintunaan sang kalayo nga nagtuga sang sunog kun sa diin nagtupok sang lima ka kwarto sa nasambit nga buluthuan.
