Nagnubo ang power rate nga bayaran sang mga member-consumers sang Central Negros Electric Cooperative (CENECO) subong nga bulan sang Marso.
Suno kay Ma. Luisa Parroco, pinuno sang Coop Promotions Section sang CENECO, nagnubo sang P0.5913 ang power rate subong nga bulan bangud sa pagnubo sang generation, transmission charges kag system loss charges.
Tinalikdan nga bulan, P11.5123 ang sukot sa kada kilowatt-hour apang nagnubo sa P10.9210 subong nga Marso.
Suno kay Parroco, nakagwa na ang bill sa generation charges antes nagsaka ang presyo sang diesel tinalikdan nga semana gani indi mapaktan kun mahimo nga may saka sa masunod nga bulan.
Bangud indi mapaktan kun bala magasaka ang power rate sa masunod nga semana bangud sa pagsaka sang presyo sang fuel, ginaengganyo sang CENECO ang pagconserve sang kuryente.
