Ginpakigbahin sang singer kag aktor nga si Raymond Lauchengco, 59 anyos ang indi sini malipatan nga experience sa iya showbiz career nga amo ang pagsinggit kag pagwalk-out sa iya ni Diamond Star Maricel Soriano sa una nga adlaw sang ila pagkit-anay sa shooting sang pelikula.
Sang 1983 may drama movie si Lauchengco nga Saan Darating Ang Umaga kag love interest sini si Soriano.
Suno diri, napressure ini sa first shooting day kag nagalaum nga dapat manami ang first meering nila.
Pahayag ni Lauchengco, sa adlaw nga natabo ang insidente, nakabaton ini sang duha ka tawag, isa halin sa music label nga Vicor Records nga naghambal nga mapadulong ini sa Ali Mall para magkanta alas- 2:00 sang hapon apang nagtawag man sa iya ang movie company nga dapat yara ini sa UP para sa shooting, alas- 2:00 man sang hapon.
Ginhambalan siya nga unahon ang live kag maapas ini sa filming.
Pag-abot sini sa set, akig ang tanan sa iya bangod duha ka oras ini nga late.
Nagpadulong ini sa dressing room kag nakita si Maricel kag nag-explain sa natabo.
Apang, antes pa man siya makatapos sang iya ihambal, nagtulok si Soriano sa iya kag nagsinggit kun ngaa naga-english ini.
Nangayo sang pasaylo si Lauchengco kag ginsinggitan siya ni Soriano nga insakto lamang nga nangayo ini sang sorry kag naggwa ang aktres dungan sa paglampos sang pwertahan.
Apang, gintawag sila nga duha para magpapicture for publicity kag didto ginhambalan si Lauchengco nga akbayan si Soriano, nga ginhimo man sini.// Matapos sadto, nagmayohay sila nga duha tubtob nga nangin abyan.
