Patigayunon ang reactivation sang Coast Guard District-Southern Visayas sa Planta Centro Bacolod Hotel and Residences subong nga adlaw, alas-03:00 ang takna sa hapon.
Ini ang pagapangunahan ni Commodore Ludovico Librilla, ang commander sang Coast Guard District-Southern Visayas.
Sa interview sang Bombo Radyo kay Librilla, sa reactivation igaturn-over sa iya ang mga Coast Guard Stations sa Negros Island Region kalakip na ang Siquijor.
Suno diri, ang Coast Guard Stations sa Siquijor kag Dumaguete ang kalakip sa pamunuan sini.
Ginpahayag man sini nga ang tikang ang kabahin sang preparasyon para sa pagbalik sang NIR.
Dugang pa sini ang Coast Guard District-Southern Visayas ang nadeactivate kadungan sang pagdissolve sang NIR apang bangud ibalik na ini, igareactivate naman ang Coast Guard District-Southern Visayas.
Ginpahayag man sini nga nagapasalamat man siya nga ginhatagan siya sang kahigayunan sang headquarters sang Coast Guard nga pamunuan ang Coast Guard District-Southern Visayas bangud siya ang nakaagi naman destino sa Coast Guard Station-Northern Negros bilang commander.
