May milagro gid ayhan?
Wala masunog ang isa ka estatwa ni Birhen Maria apisar nga ang balay sang Halpin family ang ginlamon sang kalayo sa wildfires nga naghalit sa Los Angeles, California kag ini ang nagserbe nga simbolo sang pagtuo sang pamilya.
Suno sa report, ginpakigbahin ni Peter Halpin kung paano nasunog ang tanan nga yara sa palibot sang estatwa apang lunsay nga wala masunog ang mga estatwa ni Birhen Maria kag San Jose.
Ginpakigbahin man ni Halpin nga ang ila balay ang gindedikar sa Sacred Heart of Jesus kun sa diin ang ila pamilya ang dungan nga nagapangamuyo kag nagakanta sang espesyal nga ambahanon para sa Blessed Virgin.
Apisar nga ang balay sang pamilya Halpin nga 37 anyos na nga natukod, ang nangin abo na bangud sa Eaton fire, nagapabilin gihapon ang ila nga pagtuo.
Aminado man si Halpin nga ginlapas sini ang layi paagi sa pagbisita sa nabilin nga bahin sang ila balay sang nakaligad nga semana apang sa amo nga tion nagakuha sila sang comfort kag kusog paagi sa pagpangamuyo nga sang ulihi ginsunod sang komunidad.
Ang pamilya Halpin ang nagapangamuyo kag nagpasalamat bangud sila ang naluwas.
