Nagapabilin nga wala naghulag ang piso kontra dolyar sa pagtakop sang trading kahapon matapos magsara sa panibag-o nga record-low nga P61.75 kada dolyar sa asod-asod nga adlaw.
Suno kay Rizal Commercial Banking Corp. ukon RCBC chief economist Michael Ricafort, posible nga may ginahimo nga intervention ukon tikang ang gobyerno agud mapunggan ang sobra nga volatility sa foreign exchange market.
Samtang ginaathag naman ni Bangko Sentral ng Pilipinas Governor Eli Remolona Jr. nga wala ginatarget sang BSP ang isa ka partikular nga exchange rate level, apang magahulag lamang ini kun may yara na sang dako nga paghulag sa merkado.
Ginpahayag man ni Ricafort nag naapektuhan ang trading matapos ginpahayag ni US President Donald Trump nga temporaryo sini nga ipaiway ang plano nga pag-atake sa Iran agud hatagan sang atensyon ang negosasyon sa peace treaty.
Suno kay Ricafort, lauman sa mga masunod nga adlaw nga may pagbag-o sa trading sang piso kag dolyar nga ginabanta yara sa tunga sang P61.60 tubtob P61.80 kada dolyar.
