Ginalauman nga makahatag sang dako nga bulig sa mga mangunnguma sa ciudad sang Bacolod ang refrigerated van sa idalum sang Agri-Fishery Digital Platform Program.
Suno kay Bacolod City Mayor kag Congressman-elect Alfredo “Albee” Benitez, ang refrigerated van nagabalor sang P6.4 million.
Suno diri, kun may utan kag mga kararoton ang mga mangunguma nga ibaligya, ang van na ang makuha sang ila produkto sang sa nga ibyahe pa nila sa tricycle nga nagabayad pa sila sang P500.
Suno kay Benitez, ini makabulig agud indi na magsaka ang presyo ang ila mga produkto kag indi man magdako ang gasto sang mga mangunguma.
Samtang, ginkalipay naman sang Bacolod City Integrated Small Farmers Federation ang paghatag sang refrigerated van sa ila.
Suno kay Jusy Jenson, presidente sang federation, ila ginakalipay nga mahapos kag barato na ang pagbyahe sang ila produkto.
Suno diri, may yara pa sang ginpahulam sa ila nga area agud tamnan nila sang ila mga utanon kag kararoton.
