Ginpamatud-an sang regional accountant sang Bureau of Fire Protection (BFP) Region 6 nga mabudlay lab-uton ang handum nga mangin isa ka abogado apang wala sang imposible bisan makapila na ka beses magsulit sang bar exam.
Kaangay sang nabatyagan sang bisan sin-o nga nakapasar sa pasinawan, wala pa nagsink-in kay Fire Senior Inspector Michael Lopez nga isa na ini karun ka abogado matapos makapasar sa February 2022 bar examination.
Pahayag sini nga ini na ang ikaanom nga pagkuha niya sang bar exam matapos napaslawan sa lima ka kahigayunan.
Suno kay Lopez, tuman ang pagpasalamat sini sa Ginoo, sa iya pamilya kag iban nga pa nga nagsuporta sa iya sa journey nga mangin abogado.
Suno diri, ang iya nga mentor agud mangin abugado amo si BFP 6 Regional Director Atty. Jerry Candido.
Certified Public Accountant na ini antes pa man nagsulod sa BFP.
Ginpahayag man sang regional accountant sang BFP 6 nga isa sa handom sini nga mangin abogado kag wala man ini nabudlayan bangud may yara na siya sang subject nga law samtang nagaeskwela siya agud mangin CPA.
Wala man ini naggive up tubtob nga malab-ot angiya nga handum nga mangin isa ka abugado.
Apisar nga nakapasar na ini sa bar exam kag opisyal na nga abogado, magapabilin ini sa BFP bangud tion na agud nga mabalikan niya ang kaayo nga ginhatag sang ahensya sa iya agud malab-ot ang iya nga handom.
Ginpahayag man ni Lopez nga wala siya nagreport kahapon, kag wala niya man ginpatrabaho ang iya asawa agud nga may magasuporta sa iya bisan ano pa ang resulta.
Naghibi man siya sa kalipay sang nakita nga nakapasar siya sa bar exam.
Nagpanugyan man ini sa mga nagahandom nga mangin isa ka abogado ukon iban man nga propesyon nga magpangamuyo, magsalig, magpursige kag mangin patient sa ginaagyan nga kabudlay agud nga ini ang malab-ot.
