Gin-athag sang regional director sang Commission on Elections (COMELEC) Western Visayas, nga nagabaton lamang sila sang signature sheets nga naga-unod sang perma sang mga pumuluyo para sa petisyon sa pag-amyenda sang konstitusyon sang Pilipinas.
Sa interview sang Bombo Radyo Bacolod kay Atty. Dennis Ausan, regional director sang Commission on Elections (COMELEC) Western Visayas, santo sa ila nga datos kahapon, sa 133 tanan ka Local Government Units sa Western Visayas, gikan sa 45 ka mga ciudad kag banwa sa probinsya sang Aklan, Iloilo kag Negros Occidental ang nakapasa sang signature sheets nga may yara sang kapin sa 300,000 ka mga perma.
Paathag ni Ausan, ang field office sang COMELEC ang nagabaton lamang sang signature sheet apang wala sila nagavalidate sang perma samtang wala pa sang may nafile nga petition para sa people’s initiative kun sa diin kasunod sini, magamando ang COMELEC en banc sa pagvalidate sa mga perma.
Dugang pa sini, wala man sila sang partisipasyon sa pagtipon sang signature sheets kag kun san-o ang natalana nga pag-file sang petisyon.
Mensahe ni Ausan, para sa petition sang people’s initiative, ang tawo mismo ang may inisyatibo sa luyag nila nga makita ang epekto sang pag-amyenda sang konstitusyon sang Pilipinas.
