Mas ginpabaskog pa ang morale kag welfare sang mga kapulisan nga gindeploy kasunod sa paglupok sang bulkan Kanlaon nga tubtob sa karun wala pa nakapauli sa ila tagsa ka mga lugar.
Sa interview sang Bombo Radyo kay Negros Occidental Police Provincial Office (NOCPPO) Director Police Col. Rainerio de Chavez, nagpadulong si Police Regional Office 6 Director Police Brig Gen Jack Wanky sa banwa sang La Castellana kun diin may dako nga numero sang kapulisan ang gindeploy didto.
Nagdala ini sang tents, portable burners, facemask, butanes, kag iban pa.
Sa kabug-usan kapin sa 390 ka police personnel ang gindeploy sa banwa sang La Castellana, ciudad sang Bago, La Carlota kag San Carlos.
Suno kay de Chavez, wala sang problema sa health sang kapulisan nga ginahatagan man sang pahuway sa ila trabaho.
Sa pihak nga bahin, may contingency plan naman ang kapulisan para sa nagahilapit nga eleksyon kag liwat nga paglupok sang bulkan Kanlaon.
