Nagapasalamat ang regional director sang Police Regional Office 6 sa tanan nga mga pulis sa Western Visayas sa kapisan nga mangdakop sang mga indibidwal nga wanted sa kasuguan.
Sa first quarter sang tuig 2022, nagdangat sa 1,425 ka wanted persons ang nadakpan sa bilog nga Region 6 nga ginalakipan sang 253 ka most wanted persons samtang 1,172 ang other wanted persons.
Sa most wanted persons nagapanguna ang Negros Occidental nga may 85; ginasundan sang Iloilo Province nga may 46; Bacolod nga may 44; Iloilo City nga may 23; Antique nga may 19; Capiz nga may 14; Aklan nga may 11; kag CIDG Regional Field Unit 6 nga may siyam; samtang duha naman sa Guimaras.
Nagikan sa 1,172 ka other wanted persons, 602 ang nadakpan sa Negros Occidental; 183 sa Iloilo Province; 104 sa Bacolod; Aklan nga may 67; Capiz nga may 57; CIDG nga may 56; Iloilo City nga may 42; Antique nga may 36; kag Guimaras nga may 35.
Ang mga nadakpan ang ginpresentar na sa korte nga nag-issue sang warrant agud nga mapahibalo ang judge nga naserbe ang arrest order.
Ang iban nga nadakpan ang nakapyansa naman kun bailable ang ila kaso.
