Nagpatukod ang Corazon Locsin Montelibano Memorial Regional Hospital (CLMMRH) sang separado nga Critical Care Unit para sa mga pasyente nga natapikan sang Covid-19.
Sa interview sang Bombo Radyo Bacolod kay CLMMRH Medical Center Chief Dr. Julius Drilon, ang CCU ang para sa adult kag sa mga pedia nga nagaedad 13 anyos panubo.
Suno kay Drilon, ang pasilidad ang may yara sang walo ka mga beds kag may yara sila sang 52 ka mga bag-o nga nurses nga ginhire sang regional hospital nga ginalauman nga magafully operational sa madason nga inadlaw.
Suno diri, 90 porsyento naman ang recovery rate sang ospital sa nasambit nga balatian.
Ginpahayag man ni Drilon nga sa 62 ka mga Covid patient sa ospital, 10 percent diri ang kritikal samtang 90 percent ang nakarecover.
Hands on naman sila sa mga pasyente sang Covid-19 gani mataas ang recovery rate.
Aminado man ini nga madamo pa ang kulang sa mga doctors kag nurses sa nasambit nga ospital.
Wala na sang nakaquarantine sa mga nurses kag doctor sang regional ospital.
