Ginalantaw sang regional director sang Commission on Elections-Negros Island Region (COMELEC-NIR) nga madihon na sang regional joint command center sa Negros Island Region sa bulan sang Disyembre.
Suno kay Atty. Leonel Castillano, subong nga bulan sang Disyembre madihon na ang RJCC bangud ini ang kinahanglanon sa security and peace para sa 2025 midterm elections.
Sa bulan man sang Disyembre, ginalantaw nga madihon na ang Negros Island Region Police Regional Office.
Suno kay Castillano, indi pa sa karun maplastar ang mga ahensya nga magabug-os sang RJCC bangud wala pa sang NIR Police Regional Office bangud ang mga kapulisan ang isa nga igabutang diri.
Gilantaw nga kun maplastar na ang RJCC mahimo na makaconvene ang mga ini sa Enero agud nga maestorya ang mga preparasyon sa 2025 Midterm elections sa bulan sang Mayo.
Samtang ginpahayag naman sang regional director sang COMELEC-NIR nga nagapabilin nga matawhay ang sitwasyon sa Negros Oriental.
Suno kay Atty Leonel Castillano, maayo ang nagakatabo sa karun bangud wala sang violence kag intimidation nga nagakatabo sa tunga sang mga kandidato.
Suno kay Castillano, kun may yara man sang mga patutsadanay ini ang nagakatabo lamang sa social media.
Suno diri, tuman pa ka temprano apang nahibaluan naman nga ang Negros Oriental ang isa mga national area of concern gani may yara gid sang law enforcement augmentation sa tion sang piniliay.
