Nag-umpisa na ang pagpatigayon sang Regional Marine Pollution Exercises (MARPOLEX) sa tunga sang Philippine, Japan kag Indonesia Coast Guard sa ciudad sang Bacolod.
Ang MARPOLEX ang nakaschedule nga patigayunon sumugod subong Hunyo 24 tubtob sa 29.
Sa statement ni Coast Guard Captain Weniel Azcuna, commander sang Philippine Coast Guard – Western Visayas, sa Regional MARPOLEX, bulos-bulos nga nagahost ang Pilipinas, Indonesia kag Japan, nga nagaserbe nga key players.
Samtang nagpadala man sang representative ang South Korea, US kag Vietnam Coast Guard bilang observer.
Ang PCG ang ginarepresentar naman sang BRP Gabriela Silang.
Ang dalagko nga mga Coast Guard vessel sang tatlo ka pungsod ang ginwelcome man sang performance sang Bacolod Masskara Festival dancers.
Paathag ni Azcuna nga ang purpose sang exercises amo ang pagbayluhanay sang mga panan-awan, best practices kag mapasanyog ang interoperability agud mas epektibo nga mapatuman ang marine environmental protection kag maritime safety mandates.
Subong nga adlaw ang opening ceremony, bwas maga-umpisa na sa exercises samtang sa Miyerkules ang exercise proper kaangay sang search and rescue, fire fighting, oil spill recovery kag equipment operation samtang sa Huwebes ang closing ceremony.
Suno kay Azcuna, maayo nga oportunidad para sa Bacolod City ang paghost sa MARPOLEX, kag ginapasalamatan man nila ang bulig sang Bacolod City kag Negros Occidental government para sa pag-organisar sang weeklong event.
