Ginpangunahan sang pinuno sang Iloilo Science and Technology University ukon ISAT-U kag chairman sang Regional State Colleges and Universities Athletic Association ukon RSCUAA ang opisyal nga pagbukas sang State Colleges and Universities Athletic Association meet kahapon.
Opisyal nga gindeklarar ni Dr. Raul Muyong ang pagbukas sang hinampang sa Carlos Hilado Memorial State College sa Talisay.
Nagpanugyan man ini sa mga atleta nga respetuhon ang kapareho nga atleta kag coach agud mangin matawhay ang pagpatigayon sang tuigan nga hinampang.
Ang SCUAA meet ang nagsugod Pebrero 1 kag magatakop sa Pebrero 6.
Ini ang pakigbahinan sang 13 ka mga State Universities and Colleges (SUCs).
35 ka mga events ang pakigbahinan sang mga delegado kag magatiner ang mga ini sa 13 ka mga billeting areas kag hiwaton ang mga events sa apat ka mga playing venues sa Bago, Bacolod, Talisay kag Silay.
