Dakop ang isa ka Regional Top 9 Most Wanted person bangud sa madamo nga kaso sini sang Syndicated Estafa sa ginpatigayon nga manhunt operation sang Police Regional Office Negros Island Region (PRO-NIR) sa Purok Talos, Barangay Igmaya-an, Salvador Benedicto, Negros Occidental sang Lunes, Enero 5.
Sa impormasyon nga nakuha sang Bombo News Team, ginkilala ang suspect nga si alyas “Jo,” 44 anyos, babayi, kasado, housewife kag residente sang Sitio Mocabog, Barangay Washington, Escalante City, Negros Occidental.
Ang operasyon ang ginpatigayon sang Escalante City Police Station paagi sa pagserbe sang Warrant of Arrest sa kaso nga Syndicated Estafa, nga wala ginrekomendaran sang piyansa.
Ini nga kadalag-an ang nagapakita sang ginpabaskog nga kampanya sang PRO-NIR batok sa mga syndicated crime, ilabi na ang dalagkuan nga mga pagpanunto nga nagaapekto na sa publiko kag nagapahuyang sang pagsalig sa lehitimo nga mga transaksyon.
Ang PRO-NIR ang nagapabilin nga dedikado sa pagpangita sang mga wanted persons para sa seguridad kag kahilwayan sang publiko.
