Gina-umpisahan na ang pagtukod sang Regional Transition Team sang Department of Agriculture- Negros Island Region.
Suno kay Jose Albert Barrogo, sang Oktubre 4 nakabaton ini sang order gikan kay DA Secretary Francisco Tiu Laurel Jr, nga siya ang mangin officer-in-charge sang DA- NIR kag liwat ini nakabaton sang order gikan kay Laurel nga magpatukod sang Regional Transition Team sa pagplastar sang interim plan para sa ahensya.
Suno kay Barrogo, ang interim plan ang para sa structure, numero sang empleyado, kag financial requirements sang DA-NIR.
Ginalauman sini nga sa Disyembre sini nga tuig maplastar na kag maka fully operate ang Department of Agriculture sang Negros Island Region.
Temporaryo nila sa karun nga opisina amo ang satellite office sang DA Region 6 nga nahamtang sa ciudad sang Bacolod.
