Nagpasalig ang Department of Labor and Employment (DOLE) nga ang regional wage boards ang nagpatigayon sang mga deliberasyon tuhoy sa minimum wage hike petitions nga ginfile sa anum ka mga rehiyon sa pungsod.
Suno kay National Wages and Productivity Commission (NWPC) Executive Director Maria Criselda Sy, nagmeeting na ang regional wage boards sang tinalikdan nga semana agud mafast-track ang review kag adjustment process.
Suno sa iya, nakaconvene na sila sa DOLE Regional Directors kag nag-imbita sang mga resource persns nagikan sa mga kritikal nga ahensya nga makahatag sa wage boards sang perspective tuhoy sa nagakatabo sa social economic environment.
Gindugang man sini nga ang nasambit nga inputs nagikan sa national level ang igadisseminate man sa tagsa-tagsa ka mga rehiyon.
May yara sa karun sang napulo ka mga wage hike petition nga ginfile sa anum ka mga rgeional wage boards nga ginalakipan sang National Capital Region, Regions 3, 4A, 6, 7, kag 8.
Suno kay Assistant Secretary Dominique Tutay, ginalauman sang ahensya nga makapagwa sang desisyon antes ang bulan sa Mayo bangud ginareview na ang pila ka mga petitions.
