Natuman na ni Katrina Drilon Loretizo ang handum sini nga mangin gymnast kag marepresentar ang Pungsod Pilipinas.
Si Loretizo isa ka registered Pharmacist, residente sang Barangay Montevista, Bacolod City kag miyembro sang Philippine National Rhythmic Gymnastics Team nga nangin tiglawas sang tinalikdan nga 33rd Southeast Asian Games nga ginhiwat sa Thailand sang Disyembre 2025.
Sila ang nakakuha sang tatlo ka medalya nga bronze sa Rhythmic Gymnastics Team, Apparatus Routine (2 Balls and 3 Hoops), kag Appratus Routine (5 Ribbons).
Sang lima pa lang katuig si Loretizo, nagsugod na ini training sa gamay lamang nga studio.
Sa edad nga 10, nagtraining ini sa professionla level kag nalakip na sa Batang Pinoy kag nangin kabahin sang national team sang sa edad nga 17.
Suno diri, may yara siya sang grupo nga ginalakipan kag nakalab-ot na sa National games naggikan sa provincial meet kag regional meet.
Bilang isa sa mga tiglawas sang Pilipinas, ginkalipay gid ni Loretizo ang ila kadalag-an sa tinalikdan nga SEA games sang Disyembre.
Ang kadalag-an ni Loretizo ang indi lamang sa hinampang bangud nakatapos ini nga Magna Cum Laude sa kurso nga Pharmacy kag nangin topnotcher man ini sa Pharmacist Licensure Examination (PHLE) 2024.
Suno diri, indi mahapos ang mangin athlete kag estudyante gani madako gid nga kadalag-an para sa iya nga siya nangin TOP 5 sa board exam.
Ginpalab-ot sang atleta ang iya pagpasalamat kag suporta sa Local Government Unit sa kaangay niya nga atleta.
Nagahatag man sang pasidungog kag incentives ang gobyerno sa mga tiglawas sang Pilipinas.
Mensahe ni Loretizo sa nagahandom man nga marepresentar ang pungsod nga padayon lang gid sa paghandom tubtob malab-ot ini kag indi gid makalipat nga magpasalamat sa ginikanan kag ilabi sa tanan sa Diyos.
