Nag-adoptar ang House Committee on Basic Education and Culture sang House Resolution No. 1805 nga nagahangkat sa Department of Education nga suspendihon ang regular academic program para sa walo tubtob dose ka semana nga pag-implementar sang epektibo nga learning recovery program nga nagasiguro sa mga estudyante nga malab-ot ang functional literacy kag numeracy.
Suno kay Pasig City Lone District Rep. Roman Romulo, ang chairperson sang committee, luyag sini nga ma-implementar ang hagna sa tanan nga estudyante humalin Grades 1 tubtob 12 apang igabilin sa DepEd ang desisyon sa specific nga mga polisa sang programa.
Si Romulo, nga isa man ka commissioner sang Second Congressional Commission on Education (EDCOM 2), ang nag-eksplekar nga ang programa ang magafocus sa pagtudlo sang math kag reading subjects sa mga estudyante humalin Lunes tubtob Biyernes.
Santo sa explanation sang DepEd, ini ang mangin graded assessment agud nga makahibalo ang mga manunudlo kun diin nagatindog ang ila mga estudyante natuhoy sa literacy kag numeracy.
