Ginkumpirmar ni Bacolod City Councilor Cindy Rojas nga makabaton sang performance based bonus ang kapin 1,200 ka mga regular employees sang Bacolod City government sini nga Disyembre.
Sa interview sang Bombo Radyo Bacolod kay Rojas, chairman sang Committee on Finance and Appropriations sa Sangguniang Panlungsod sa Bacolod, ginpahayag sini nga aprubado na ang P19 million nga budget para sa bonus sang mga regular employees sa city government.
Suno kay Rojas, makabaton ang mga regular employees sang bonus bangud nga nakakuha ang ciudad sang Bacolod sang Seal of Good Local Governance award nagikan sa Department of the Interior and Local Government (DILG) sadtong 2019.
Dugang pa sini nga apat ka mga departamento ang makabaton sang bonus nga katumbas sang 65% sang ila nga basic salary samtang 57% naman sang ila nga sweldo ang mabaton sang mga empleyado nagikan sa iban nga mga departamento.
