Ginpahayag sang Department of Agriculture (DA) nga sila ang nagapatigayon sang comprehensive review sa mga regulasyon may kaangtanan sa pagtransport sang livestock kag poultry sa pag-address sa pagpanghangkat sa supply bangud sa mga health issues sang mga kasapatan.
Santo sa pahayag ni Agriculture Secretary Francisco Tiu Laurel Jr. nga ang pagreview sang nagaexister nga regulasyon ang patigayunon paagi sa konsultasyon sa mga grupo sa industriya ilabi na ang Philippine Chamber of Agriculture and Food Inc.
Kalakip diri ang DA Administrative Order No. 5, nga gin-issue sang 2019, nga nagtalana sang mga guidelines para sa local transport sang livestocks, animal products kag by-products agud nga proteksyunan ang ikaayong-lawas sang publiko kag matapna ang pamahog sa ikaayong-lawas sang mga kasapatan.
Ginapatuman sa nasambit nga regulasyon ang istrikto nga timelines para sa pagkuha sang transport permits kag nagtalana sang special requirements para sa specific nga mga kasapatan kag mga produkto.
Kasubong man ang Bureau of Animal Industry (BAI) ang nagareview man sa DA Administrative Circular No. 2, Series of 2022, nga nagamodify sa National Zoning and Movement Plan agud macontrol ang African Swine Fever (ASF).
Ang nagapadayon naman nga problema sang ASF ang naguba sa hog industry humalin sang outbreak sang 2019.
Agud nga matapna ang ASF, ang DA ang nagcollaborate sa Food and Drug Administration agud nga mangin available commercially ang ASF sa Pilipinas.
Ginpahayag ni Laurel nga ang nasambit nga review sang mga polisa ang kabahin sang DA’s 10-point agenda agud nga mabalanse ang development kag pagsulundan.
