Gin-athag sang chairperson sang Committee on Laws and Ordinances sa Sangguniang Panlungsod nga magapadayun ang construction sang Old Bacolod City Hall.
Ini sa pihak sang ginpadala nga sulat ni former Councilor Archie Baribar nga nagapanawagan sa Sangguniang Panlungsod nga liwat tun-an ang ginhimo nga pagdemolish sa Old City Hall lain sa una nga report nga magapatigayon lamang sang rehabilitation.
Ginakabalaka sini nga ang tikang ang makatuga sang legal liability para sa ciudad karun nga ginatalakay pa sa Regional Trial Court Branch 50 ang tuyo sang pamilya Luzuriaga nga bawion ang duta.
Sa interview sang Bombo Radyo Bacolod kay Councilor Al Victor Espino, ang sulat ni Baribar ang ila talakayon sa masunod nga SP session.
Apang sa pihak sini, pasalig ni Espino nga mapreserbar ang essense ukon symbolismo sang Old City Hall.
Paathag sini nga nakita ni Bacolod City Mayor Alfredo “Albee” Benitez ang limitasyon sang building gani ini ang luyag niya nga ma-imprubar agud maplastaran sang dugang nga opisina.
Suno sa konsehal, sa karun daan na katama ang building, kag ginakonsiderar man nila ang safety sang mga empleyado.
Dugang pa nga ang session hall ang makabig fire trap kag wala sang fire exit kag wala man sang parking spacea.
Sa rennovation, hamtangan sang Mayor’s Office, session hall kag iban pa nga opisina.
