Nasumiter na sa opisina ni Mayor Evelio “ Bing” Leonardia ang rekomendasyon angot sa Exit Plan halin sa Enhanced Community Quarantine padulong sa General Community Quarantine.
Sa interview sang Bombo Radyo Bacolod kay Councilor Archie Baribar, Chairman sang Committee on Exit Planning, ginpahayag sini nga ginahulat na lamang sang alkalde ang pronouncement sang Presidente agud makapagwa na ini sang Executive Order angot sa Exit Plan.
Ginpahayag sini nga sa tion nga magapaidalom sa GCQ ang ciudad mahimo na nga magabukas ang mga business establishments apang 50 percent lamang, tuman ka regulated nga public transport kag padayon man nga thermo scanning sa mga borders kag padayon man ang pagsuksok sang facemasks, hand hygine kag social distancing.
Samtang nagalaom man ang chairman sang inter-agency task force nga indi na makasarang magsustiner ang syudad sa mga pumuluyo sa tion sang magpabilin sa Enohanced Community Quarantine ang ciudad.
Aminado man ini nga madamo na ang naapektuhan kag nagakagutuman.
Suno diri sa tion sang General Community Quarantine indi na paggamiton ang HQP kag mahimo naman makapadulong sa trabaho ang mga empleyado apang kinahanglan nga magpresentar sang Employee Id sang mga ini.
Suno pa diri indi na kinaandan ang routine sa tion nga implementar na Exit plan sang GCQ.
