Imbes nga abo, pentel pen ang gingamit sang isa ka religious group sa pagbutang sang cross sa agtang sang devotees.
Ini ang pamaagi sang Crusaders of the Divine Church of Christ sa pag-obserbar sang Cross Wednesday ukon ‘Krus- Krus’.
Mahibaloan nga ang grupo indi kabahin sang Roman Catholic Church kag may ginasunod nga kaugalingon nila nga pagpati.
Ang Ash Wednesday gina-obserbar sang Catholic sa bilog nga kalibutan apang imbes nga abo, ang grupo nagagamit sang black marker para magbutang sang cross sa agtang sang ila miyembro.
Bangod sini, madamo sang tawo nga namangkot kun ano ang tawag sa ritual.
Iban naghambal nga Ink Wednesday samtang iban naman nagkwestyon kun ano ang rason kun ngaa pentel pen ang gingamit.
Santo sa records, ang Crusaders of the Divine Church of Christ nag-umpisa sa banwa sang San Fabian sa probinsya sang Pangasinan.
Ang grupo gintukod ni Rufino S. Magliba sang Setyembre 27, 1995 kag siya ginkilala bilang founder kag supreme pontiff kag ini naregsiter sa Securities and Exchange Commission sa Manila.
Ang grupo nagapadayon sa pagsunod sang ila tradisyon nga lain sang sa Catholic Church.
