Nagpasalamat ang alkalde sang ciudad sang Bacolod nga lunsay present ang pinuno sang religious sector sa ciudad sa ginpatawag sini nga pagtililipon agud istoryahan ang protocol sa pagbalik sang religious gatherings.
Ang pagsinapol ang ginpatigayon sa Bacolod City Government Center sang Hunyo 4 nga gintambungan man sang iban nga opisyales sang ciudad.
Sa pahayag ni Mayor Evelio “Bing”Leonardia, lunsay mapatuman sang minimum health standards ang mga religious group leaders bangud mahimo na magsimba ang mga tawo apang kinahanglan 50 porsyento lamang sang seating capacity sang simbahan agud maobserbar ang social distancing.
Sang Huwebes, gin-anunsyar ni presidential spokesperson Harry Roque nga ginapahanagutan na ang mass gatherings para sa religious services work conferences sa mga areas nga yara sa idalom sang modified general community quarantine.
Suno kay Roque, ang pagpahanugot sa limited gatherings para sa religious activities kag work conferences sa MGCQ areas ang nakasugtan matapos ginbalanse sang gobyerno ang risgo sang coronavirus threat kag ang health data.
Nagalaom naman ang Malakanyang nga sundon ang publiko ang safe distancing rule agud mapunggan ang paglapta sang coronavirus disease.
