Magapangita sang safe nga area ang La Castellana Municipal Government nga mahimo hamtangan sang mga irelocate nga residente nga nagapuyo sa sulod sang 4km radius permanent danger zone sang Bulkan Kanlaon.
Sa interview sang Bombo Radyo Bacolod kay La Castellana Mayor Rhummyla Nicor Mangilimutan, nakapauli na ang mga evacuees nga nagapuyo sa gwa sang 4km radius, samtang may iban man nga yara sa sulod apang may iban nga balay sa idalom.
Gani 38 nalang sa karun ka pamilya ang nagapabilin sa evacuation centers.
Suno kay Mangilimutan, magapangita sila sang relocation areas sa amo man gihapon nga mga Barangay apang seguruhon lamang nila nga safe na ang mahamtangan sang mga ini.
Sa pihak sini, pahanumdom ang alkalde nga dako ang kinahanglan nga budget para sa relocation gani sila ang magakinahanglan gid sang bulig sang National Government.
