Gin-athag sang Malacanang nga ang nagakatabo sa karun nga konflikto sa tunga sang Israel kag Iran ang indi makaapekto sa remittances sang mga overseas Filipino workers.
Suno kay Palace Press Officer Undersecretary Atty. Claire Castro, ila naistorya si Undersecretary Alu C. Dorotan Tiuseco sang Department of Finance kag ginpahayag sini nga sa karun, wala sang impact ang konflikto sa OFW remittances.
Apang ang dugang nga escalation nga posible pagalakipan sang nabilin nga Middle East ang makaangkon sang substantial effect sa overall remittances.
Kapin isa na ka semana ang pagbayluhanay sang Israel kag Iran sang missile strikes nga gintunaan sang pagkatrap sang mga sibilyan kag foreign nationals sa duha ka bahin sang konflikto nga nagtrigger sang international alarm.
