Ginpanginwala ni Rene John Nasis ang stepfather ni Pearl Joy Galve nga may kahilabtanan ini sa pagpatay sa biktima.
Madumduman nga nadula ang biktima sang Hulyo 29 kag nasapwan sadtong Agosto 14 nga patay na sa katubuhan sa ciudad sang La Carlota, Negros Occidental.
Suno sa pahayag ni Supervising Agent, Manuel Fayre Jr., pinuno sang National Bureau of Investigation- Bacolod limitado pa katama ang mga impormasyon nga ginahatag ni Nasis kag ginalantaw sini nga may ginatago ini.
Suno kay Fayre, may mga pamangkot sila nga indi luyag ni Nasis nga kumpirmahon.
Apang natingala man ini kun paano nabal-an sang NBI.
Suno diri, nakahibalo man sila nga nagabinutig ang natungdan.
Dugang pa sang pinuno sang NBI-Bacolod nga ang statement sang iloy amo ang kumpirmasyon sa ginbuy-an nga pahayag ni Nasis.
Ini matapos nga gin-ako ni Nasis nga 12 anyos pa lamang si Galve sang iya ini gin-molestiyahan kag wala na mahibaluan kun makapila ka beses.
Suno kay Fayre, nagapamatuod lang ini nga ginatinuntuhan ni Nasis ang dalagita.//Ginpanginwala man sang natungdan nga ginapahog sini si Jennifer.
Suno sa pahayag ni Nasis indi si Jennifer kag ang pamilya sini ang luyag nga patyon kundi ang gina-alegar sini nga kerido sang iya kalive-in.
Madumduman una na nga ginpanginwala ni Nasis ang amo nga alegasyon batok sa iya.
Sa karun natalana nga mag file sang reklamo batok kay Nasis ang NBI- Bacolod sa paglapas sang Republic Act 9262 ukon Anti-Violence Against Women and their Children Act of 2004.
