Kadungan sang ginpatigayon nga Chrism Mass sa San Sebastian Cathedral kaina sang aga, ginpatigayon man ang renewal of vows sang mga kaparian sa Diocese of Bacolod.
Sa Homilya ni Most Reverend Patricio Buzon, Bishop sang Diocese of Bacolod, ginpahayag sini nga tuman ka espesyal ang ini nga bahin sang selebrasyon sang Semana Santa bangud ang sentro sini amu ang blessing sang oil nga pagagamiton sa administration sang sacraments sa bilog nga Diocese subong nga tuig.
Magluwas diri, isa man sa highlight amu ang renewal of vows sang mga kaparian nga ila ginhimo sang sila ang gin-ordain.
Suno sa iya, ini ang gintugyan sa ila ni Ginoong Hesu Kristo kag ang ini nga okasyon ang nagaremind sa ila nga ipledge ang ila pag-isa sa Diyos.
Suno diri, ang recommitment sang vows bilang pari sang mga tumuluo ang tribute man sa Ginoo kag sa mga kaparian nga nakaserbe na sa Diocese.
Antes ang final blessing, gin-anunsyar ni Reverend Father Roy Christian Gesulgon, Chancellor-Secretary sang Diocese of Bacolod ang bag-o nga assignments sang mga kaparian kadungan sang ila nga reshuffling subong nga tuig.
