Ginkumpirmar sang principal sang Bacolod City National High School nga nnapirmahan na ni Mayor Alfredo Benitez ang program of work para sa renovation sang Bacolod Arts Center nga nahamtang sa sulod sang school campus nga ginpainan sang pondo nga P10 million.
Suno kay Richard Gelangre, ginpahayag sang City Engineer’s Office nga irevise ang renovation bangud sang pandemic years pa ginhanda ang program of work.
Ini ang natalana nga suguran sa bulan sang Abril kag nagalaom si Gelangre nga matapos ini sa gilayon.
Suno kay Gelangre, ginalauman nga wala sang masakripisyo sa renovation bangud nagmahal ang materyales.
Suno diri, indi na gid manami ang pinta sa Bacolod Arts Center kag gabok naman ang beam kag haligi sa bilog nga structure, samtang may buslot naman ang atop.
Ginaabisuhan naman ang mga estudyante nga maghalong kun maglabay sa BAC.
Nagalaom man ini nga mapatahum ang stage kag lightings, samtang wala naman sang budget para sa sound system sa BAC bangud nahatagan na sadto ang BCNHS sang sound system nga ginagamit sang eskwelahan tubtub subong.
Nahibaluan nga sang 1990s, ang BAC ang isa sa pinakadako nga structure sa Bacolod nga maayo patigayunan sang dalagko nga pagtililipon.
Ini ang ginpaidalom sa revonation masobra isa na ka dekada ang nakaligad.
