Plano sang alkalde sang syudad sang Bacolod nga pagausaron ang personal nga kwarta para sa renovation ang City Mayor’s Office (CMO).
Sa press conference kahapon, gin-anunsyo ni Bacolod City Mayor Alfredo Benitez nga ang P16 million nga pondo nga para kuntani sa renovation sang City Mayor’s Office ang usaron para sa pagpakay-o sang Public Toilet sa syudad sang Bacolod.
Ginpaathag ni Benitez nga ang P16 million nga pondo para sa renovation sang CMO ang gin-estimate sang City Engineer’s Office, ginpasa sa Sangguniang Panlungsod para sa approval kag naglabay sa husto nga proseso.
Suno kay Benitez, agud nga malikawan na ang mga legal impediment ginpanumduman sini nga magikan nalang sa kaugalingon sini nga bulsa ang pagparenovate sang City Mayor’s Office.
Suno alkalde, as a working mayor kinahanglan sini sang malapad nga lugar gani kinahanglan ini nga irenovate agud nga mag-expand ini.
Suno diri kinahanglan nga madugangan ang support system agud nga masiguro nga efficient ang ginahimo nga transaction sa opisina sang alkalde.
Ginpahayag man sini nga madamo man siya sang nabasahan sa social media nga mga posts angot sa mga banyo sa Bacolod Government Center nga kinahanglan man nga kay-uhon gani plano sini nga irealign nalang ang P16 million nga budget nga para kuntani sa renovation sang City Mayor’s Office sa pagpakay-o sang banyo.
