Ginakalipay sang Undersecretary sa Department of Health ang improvement sang ginarenovate nga Emergency Room sang Corazon Locsin Montelibano Memorial Regional Hospital (CLMMRH).
Ini kasunod sang pagbisita ni Dr. Mary Ann Palermo Maestral, DOH USec for Universal Health Care – Health Service Cluster III – Visayas, siya ang nagpadulong sa Regional Hospital agud panilagan kun paano ihandle sang ospital ang mga nagsulod nga pasyente kadungan sang New Year’s Day celebration.
Gindayaw man sini ang mga personnel, bangod lunsay mga maayo na nga feedback ang iya nagakabasahan gikan sa social media sa halos tanan nga operation sang ospital lakip na ang feedback sa mga security guards.
Apang ginakasubo sini ang pagsaka sang kaso sang road accidents, nga kalabanan bangod sa indi pagsunod sa safety requirements kaangay sang pagsuksok sang seatbelt ukon helmet, samtang manubo naman ang kaso sang aksidente nga tuga sang kahulugbon.
Luwas sa pagtsekyar sa pagcater sang ospital partikular na sa mga firecracker-related incidents, si Maestral ang nagpadulong man diri agud lantawon ang progress sang renovation sa Emergency Department.
Apisar nga may gamay nga delay, nagalaom ini nga mabuksan na ang mas komportable kag state of the art nga Emergency Room nga sarang maka-akumodar sang mas madamo nga pasyente kag may mas maayo nga ma-offer nga serbisyo.
