Ginpanginwala ni Bacolod City Lone District Representative Alfredo “Albee” Benitez ang mga huring-huring nga indi sila ayuhay ni Bacolod City Mayor Greg Gasataya.
Madumduman nga makita ang duha nga magkaupod sa kick-off ceremony sang Bacolod Masskara Festival 2026.
Apang madumduman nga naggwa ang huring-huring matapos nga wala na makita nga naga-updanay ang duha, sa baylo ang masami nga kaupod ni Benitez amo si Vice Mayor Claudio Jesus “Kalaw” Puentevella.
Panindugan ni Benitez nga wala nagakahulugan nga indi na sila ayuhay ni Mayor Greg kun indi permi updanay, bangod kahapon sila ang magkaupod man nga nagdinner.
Sa pihak sang mga diskusyon, panindugan sang kongresista nga siya ang mas nagatutok sa mga kinahanglan tapuson kag pagasuguran pa lamang nga mga proyekto para sa ciudad.
Pasalig sini nga wala pa sila sang anuman nga diskusyon tuhoy sa plastaranay para sa 2028 Elections.
Dugang pa niya nga wala man sang rasun nga sila ang indi mag-updanay ni Mayor Greg.
