Para kay Tingog Partylist Representative Jude Acidre, ang mga pahayag ni Davao City Mayor Sebastian “Baste” Duterte ang pamatuod na nga may natabo nga transaksyon sa GenCorp Industries Incorporated nga konektado kay Vice President Sara Duterte.
Sa interview sang Bombo Radyo Bacolod kay Acidre, sa mga bidding process sa gobyerno, may-ara gid dapat sang undertakings ukon deklarasyon nga wala sang conflict of interest.
Panindugan sang kongresista nga ini ang standard sa ano man nga kontrata sa gobyerno.
Apang suno diri, ini ang maathag nga ginbayolar sang GenCorp ang procurement law, kun sa diin sila ang 19 ka beses pa nakakuha sang kontrata.
Apisar nga ginpahayag ni Mayor Baste nga wala ini nakahibalo, kaangay nga gin-ako gihapon sini nga may-ara sang transaksyon.
Dugang pa niya nga umpisa pa lamang sang bidding process, dapat nakita na ang conflict of interest.
Pahayag pa ni Acidre nga sa ila nga mga public officials, ang deklarasyon sa Statement of Assets, Liabilities, and Net Worth (SALN) ang ginakabig nila nga talaksan sang accountability.
Gani dapat hatagan sang bug-at ang deklarasyon ni VP Sara nga ini ang may financial interest sa GenCorp.
Sa pihak nga bahin, nagapati ini nga may salabton man si Mayor Baste bangod sa nakita nga maathag nga pattern sang paglapas sa procurement law.
